Ogasunak salatu du Aristrainek Suitzan bizi zen plantak egiten zituela

MADRIL. Espainiako Ogasuneko langileek salatu dutenez, Jose Maria Aristrain enpresari gipuzkoarrak Suitzan bizi zen plantak egin zituen, nahiz eta ez bete herrialdeko abantaila fiskalak lortzeko baldintzak. Enpresaria Madrilen epaitzen ari dira zerga iruzurragatik, eta, salatzaileen arabera, Aristrainek inoiz ez zion utzi Espainiako Ogasuneko zergapeko izateari. Aristrainek Espainian dituen ondasun higiezinek 121 milioi euroko balioa dute, eta Suitzakoek 21 milioikoa. Aristrain altzairuaren sektoreko zenbait enpresatako akziodunik handienetakoa da.