ELAk jakinarazi duenez, Fundiciones Aizpurua lantegian (Oiartzun, Gipuzkoa) lehen enpresa hitzarmena sinatu dute. 28 langile ditu enpresak, eta, ELAren arabera, akordioa "aurrerapauso nabaria" da lan baldintzak hobetzeko bidean: "Enplegu duina eta kalitatezkoa bermatuko du".
Lortutako akordioa 2016an eta 2017an egongo da indarrean, baina aurrera eragin mugagabea izango du. Hau da, beste akordio bat egongo da indarrean. Lan erreformaren aurkako klausulak jarri dituzte, eta soldata igoerak ere "oso ontzat" jo ditu ELAk: KPI+%1 igoko dituzte urte bakoitzeko. Horrez gain, gaixotasun arruntarengatik edo lanez kanpoko istripuren batengatik hartutako bajak ez dituzte kudeatuko mutualitateek.
Getxoko Popompa denda
CNT sindikatuak, berriz, Getxoko Popompa dendako langileen egoeraren berri eman du. Salatu duenez, zuzendaritzak ez die langileei ordaindu nahi: "Zuzendaritzak ez ditu kontratuak sinatzen eta ez du ordaintzen langileei zor diena". Azaldu duenez, langile batek bere dirua eskatzen duenean, esaten diote praktiketan dagoela, eta horregatik ez duela kobratu behar.
