Ontzi bat hurbiltzen ari zitzaiola-eta alde egitea erabaki du euskal atunontzi batek, piratak zirelakoan

Indiako Ozeanoan atunetan dabilen Bermeoko (Bizkaia) Txori Toki ontziak beste ontzi bat hurbiltzen ari zitzaiola ikusi du, eta badaezpada, alde egin du, piratak zirelakoan.



Inpesca enpresakoa da Txori Toki ontzia. Enpresako iturriek ez diote garrantzia handirik eman gertatutakoari, eta Indiako Ozeanoan dabiltzan arrantzaleen artean “psikosia” zabaltzen ari dela deitoratu dute.

Txori Toki-ko patroi Imanol Ibarbiak, berriz, El Correo egunkariarekin hitzegin du, eta esan dio “susto txiki bat” izan dela, baina egoera ondo kontrolatu dutela.