Osasun zentimoaren kontra, kamioi karabana

GASTEIZ. Osasun sistema publikoa finantzatzeko erregaiak zentimo bat garestitzearen kontra dago Hiru Euskal Herriko garraiolari autonomoen sindikatuak. Sindikatuak egindako kalkuluen arabera, kamioi bakarra duen garraiolari batentzat, urtean 2.500-3.000 euroko gastu gehigarria esan nahiko luke osasun zentimoak. Horregatik, Eusko Jaurlaritzari proposamena erretira dezala eskatzeko, datorren astelehenean kamioi karabana egingo dute Gasteizen.