Gaur egin dute bozketa, Bilbon. 95 langilek bozkatu dute patronalak egindako azken proposamenaren alde, eta 74k egin dute aurka. Hiru, abstenitu egin dira.
Lau urterako lan hitzarmen bat eta soldatak KPIaren arabera igotzea proposatu die patronalak langileei. Sindikatuen arabera, akordioa "oso ona" da. Harro agertu dira 45 egunez "borrrokan" aritu ostean lan hitzarmen "ona" lortu dutelako.
Iazko abenduaren 20an hasi zuten greba Bizkaiko gasolindegietako langileek. Patronalaren proposamena onartuta, bertan behera geratuko da greba akordioa izenpetzean.
