Patxi Lopez Eusko Jaurlaritzako lehendakariak esan du krisiaren aurrean "Euskadi etxeko lanak egiten" ari dela, bere exekutiboaren politikek osasun eta hezkuntzako arloak bermatzen dituztelakoan, eta, bestetik, Espainiako Estatuko datuen aldean erdia delako langabezia EAEn eta zor gutxien daukan bigarren erkidegoa delako.
Krisitik ateratzeko guztien arteko laguntza beharko dela adierazi du Lopezek Gasteizen, Arabako enpresarioen elkartearen batzarrean. "Krisi honetatik inor ez da aterako bakarrik. Ez Grezia, ez Espainia, ezta Alemania ere. Elkarren beharra daukagu".
Batasun fiskal eta ekonomikorik ez dagoelako ari da Europa sufritzen, haren arabera, eta EBZ Europako Banku Zentralak maileguemaile funtzioa bete beharko luke, "arazoak dituzten herrialdeak laguntzeko eta eurobonoak sustatzeko mekanismoak artikulatzeko".
