Hainbat manifestazio egin dira Frankfurten (Alemania) Europako Banku Zentralaren politiken aurka; Europako Banku Zentralaren egoitza berriaren inaugurazioaren harira antolatu dituzte protestak, eta 10.000 lagun inguru bildu dira.
Blockupy mugimenduak deituta burutu dira protestak, euren esanetan, Europaren krisi egoera salatzeko. Murrizketa politikak salatu dituzte, eta beste Europa baten aldeko aldarria egin dute.
Polizia hainbat manifestariri oldartu zaie, ura botatzeko tankeekin, besteak beste. Polizia iturrien arabera, 350 lagun atxilotu dituzte liskarrak eragitea egotzita. Izan ere, istiluak izan dira manifestari eta polizien artean. Hainbat autori su eman diete; tartean, polizia autoak.
07:00 #Destroika has started. Strange atmosphere in #Frankfurt where 10.000 cops do not interfere? #Blockupypic.twitter.com/W7sGj63a13
— Enough is Enough! (@enough14) March 18, 2015Europako hainbat mugimendu eta alderdi ezkertiarren ordezkariak ere badira Frankfurten. GUE-NGL Europako Parlamentuaren Taldeko ordezkaritzaren barruan, EH Bilduko europarlamentari Josu Juaristi ari da parte hartzen.
Poliziaren despliegea ikaragarria da Frankfurten. pic.twitter.com/DMNW2aIp1Y
— Josu Juaristi (@Josu_Juaristi) March 18, 2015
