Porcelanas Bidasoa, inoiz baino gehiago saltzen

IRUN. Porcelanas Bidasoako zuzendaritzak enpresa itxiko zela esan zuen duela bi aste, eta ordutik eskaria asko igo da Irungo fabrikan. Ostalaritzako enpresa askok baxera kopuru handiak eskatu dituzte, baita partikularrek ere. Porcelanas Bidasoa enpresako ELAko ordezkari Xabier Perezek esan duenez, bezeroen artean «psikosi» bat eragin du enpresaren itxierak. «Inork ez du nahi Bidasoako baxerarik gabe geratu».