Bost egunean egin dituzte Bilbo eta Bartzelona banatzen dituzten 800 kilometroak. Tarte horretan, elkartasun mezu ugari jaso dituzte manifestariek.
Gran rebuda a Reus. Ens canten 'Lluitar, crear, poder popular!'#MaiMesCorreremSolespic.twitter.com/G9tEh7lpQq
— Correscales 2016 (@correscales2016) February 21, 2016
Joan den ostegunean abiatu ziren, Movistarrek Bilbon duen egoitzaren aurretik, Movistarreko azpikontratek joan den urtean eginiko hiru hilabeteko grebak sortu zizkien gastuak ordaintzeko, eta antzeko borrokak aurrera eraman ahal izateko erresistentzia kutxa bat sortzeko.
[youtube]http://youtu.be/a1Yx3yQrTBY[/youtube]
Baina protestaren helburua ez da soilik Movistarreko azpikontraten egoera salatzea, baizik eta gizarte osoak duena salatzea. Ernest Gutierrez egitasmoaren koordinatzaileak azaldu duenez, enpresa handi eta zerbitzu publikoek azpikontratatutako enpresen amaraun handi bat sortu dute azken 30 urte hauetan, lan bera egitearen truke baldintza ezberdinak eskainiz. "Errealitate sozialen eta langileen arteko batasuna apurtzea da" zatiketa horren helburua.
[youtube]http://youtu.be/jLsnJTyF4-c[/youtube]
Manifestazioa
Bartzelonan Mobile World Congress egiten ari direla baliatua, manifestazio bat antolatu dute egitasmoaren bultzatzaileek iluntzerako, Movistarreko azpikontraten egoera salatzeko eta prekaritatearen amaiera eskatzeko.
