Prezioak jaitsi egin dira, bigarren hilabetez jarraian

BILBO. Ekainean, iaz baino %3,1 garestiago zeuden prezioak Hego Euskal Herrian. Hala jakinarazi du INE estatistika erakundeak. Alabaina, bigarren hilabetez jarraian jaitsi egin ziren, %0,2 hain zuzen. Litekeena da hurrengo bizpahiru hilabeteetan ere joera horri eustea. Alde batetik, beherapenengatik, eta bestetik, BEZaren igoera ez delako igarriko, jada urtebete pasa delako igo zenetik. «Ekonomiaren beharrentzat oraindik ere handiegia da inflazioa», esan du Euskadiko CCOOk.