«Pribilegiatua naizela esan behar, baina ondo zigortu naute ni ere»

40 urtean egin zuen lan Bergarako Textil enpresan Itziar Usandizagak. «61 urterekin hartu nuen erretiroa, eta aurrez erretiratzeagatik %24ko zigortzea izan dut, beraiek eskatu bezala 40 urtean kotizatu ondoren». Bi pentsio ditu, bata erretiroari dagokiona eta bestea alarguntasunarena. «1.020 euro baino gehiago jasotzen ditut, alde horretatik pribilegiatua naizela esan behar, baina ondo zigortu naute ni ere», dio. Alde batetik, aurrez erretiratzeagatik kobratzen du gutxiago, eta, horrez gain, alarguntasun laguntza %52koa izaten delako. «Gaur egun irabazten dudana baino dezente gehiago jaso behar nuke».