Raxoiren garaipenak ez du eragotzi arrisku saria igotzea eta burtsa asko jaistea

Monti efektuaren pareko eragina izaten ari da Raxoi efektua ere: oso gutxi. Merkatuek ez zioten jaramon handirik eginEspainiako hauteskundeetan PPk gehiengo osoz irabazi izanari, eta estatu horren zor subiranoa zigortzen jarraitu zuten: arrisku saria 441 puntutik 464ra igo zen. Madrilgoa izan zen, gainera, emaitza okerrenak eman zituen burtsa: Ibex 35 indizea %3,48 jaitsi zen, %2,62 Londreskoa eta %3,35 Frankfurtekoa. Hasieran bilakaera hobea zuen Madrilgoak, baina AEBetan defizitari buruzko kezkak zabaltzen hasi orduko gorrira egin zuten merkatu guztiek.

Jaitsiera handiak izan zituen Parisko Cac-40 indizeak ere, %3,41ekoa hain zuzen ere. Horren atzetik legoke Moody's agentziak ohartarazi diola Frantziako Gobernuari agian kalifikaziorik gorena kendu beharko diola bere zorrari.