ELAk kritikatu du Ros Casaresek kaleratzeak Madrilen negoziatu nahi duela, kaleratzeek %90ean Arabako plantei eragiten dietenean. Horrek erakusten du, ELAren arabera, enpresak "era guztietara" saiatzen direla "ELA bezalako sindikatuekin" ez negoziatzen, "beste batzuekin errazagoa" zaielako.
Erregulazioa bertan behera uzteko deia egin dio sindikatuak zuzendaritzari, eta ireki dezala negoziaziorako prozesu bat. Gasteizko planten bideragarritasuna eta lanpostuei eutsiko diela bermatzen ez badu, "lan gatazka handi bat" hasiko dela ohartarazi du.
Produktu siderurgikoen banaketaz eta eraldaketaz arduratzen da Ros Casares.
