Krisiaren gordina saltoki handietan ere islatzen ari da urte hasieran, salmentak jaitsi egin baitira martxoan; iazko hilabete berean baino %1,1 gutxiago saldu dute Araba, Bizkai eta Gipuzkoan, Eustatek jakitera eman duenez. Gipuzkoan sumatu dute jaitsierarik handiena. %2,2 izan da, batez bestekoa halako bi. Bizkaian, %0,9 egin zuten behera salmentek; eta Araban, %0,4 baino ez.
Aurtengo otsailarekin alderatuz gero, saltoki handiek %2,9 gutxiago saldu dute, %0,9 gutxiago elikagaietan eta %4,1 gainontzeko produktuetan. Eta langabeziaren datu ezkorrekin bat, enpleguak ere behera egin du saltoki handietan martxoan: %0,3 langile gutxiago izan dira lanean aurreko hilabetearen aldean.
