Samsungek tableta ezingo du Europan saldu

FRANKFURT. Alemaniako Dusseldorf hiriko Probintzia Auzitegiak Galaxy Tab 10.1 tableta Europan saltzea galarazi dio Samsungi. Apple lehiakideak jarritako salaketa baten harira kaleratu du ebazpen hori. Haren ustetan, Samsungen tableta berriak iPaden oso antzeko diseinua du. Epaileak diseinuari dagozkion ezaugarriak bakarrik hartu ditu kontuan, softwareari dagozkionak alde batera utzita.