Sanchez Asiain izango da Kutxa Bankeko zuzendaria

BILBO. Forma hartuz doa BBK, Kutxa eta Vitalen arteko bat egitea. Atzo kargu nagusiak nork beteko dituen erabaki zuten. Mario Fernandez izango da Kutxa Bankeko lehendakaria, Xabier Iturbe lehendakariordea eta Carlos Zapatero bigarren lehendakariordea. Zuzendari nagusi kargua Ignacio Sanchez Asiainek beteko du, gaur postu hori bera du BBK-n.