Sindikatuek mobilizazioak egingo dituzte Frantzian

Paris CFDT, CFE-CGC, CGT, FSU, Solidaires eta Unsa sindikatuek «mobilizazio handiak» iragarri dituzte urriaren 7rako, Lan Duinaren Aldeko Munduko Egun Sindikalean. Langileei bat egiteko eskatu diete antolatzaileek. Bernard Thibault CGTko buruaren esanetan, langileen zatiketak ahalbidetu du Frantziako Gobernuak lan denborari buruzko legea onartzea.