Langileen ordezkariek gaur azaldu dute hilaren 22an, kaleratu zituztenetik astebetera eta langileen eskariz, enpresak sinatzeko dokumentazioa aurkeztu ziela, baina horretan ez zituela bildu kalte-ordainaren zenbatekoak. Hemeretzi lagun kaleratu dituzte.
Iturri beraren arabera, enpresaren asmoa nola edo hala paper horiek sinatzea zen, baina langileek uko egin zioten.
Iazko urriaren 31n aurkeztu zuen Skunkfunkeko zuzendaritzak —Bizz-Hecticek— erregulazioa. Langileek uste dute "iruzur hutsa" dela, eta enpresaren benetako helburua langileen batzordea "ezabatzea" dela, haien eskubideak "bortxatzeko".
