Lan gatazkak
SNFCeko grebak eragina izan du Ipar Euskal Herriko tren zerbitzuetan
Frantziako SNFC tren konpainian greban daude atzoz geroztik eta horrek eragina izan du Ipar Euskal Herriko tren zerbitzuetan. Horrela, lanuztearen eraginez, Hendaiatik Parisera bitarteko abiadura handiko hiru trenetik bat ez dabil gaur. Halere, ibilbide horretako beste bi trenak ibiliko direla segurtatu du tren konpainiak. Hurbileko ibilbideko trenetan, aldiz, ohiko hiruretatik, tren bakarra dabil.
Ondorioz,Baionatik Pabera arteko autobus zerbitzuak antolatu dituzte. Lau sindikatuk deitu dute lanuztea, SNFC konpainiak iragarri duen 3.500 lanposturen galeraren aurka eta soldataren igoeraren alde. Horrez gain, langileekgrebarako eskubidea bermatzea aldarrikatzen dute. Langileen %40ak sostengatu du greba eta bihar arteko 08:00ak arte luzatuko da.
Iruzkinak
Ez dago iruzkinik
Ordenatu
