Aurten ere Lurrama antolatuko dute, herri laborantza iraunkorra sustatzeko besta. Miarritzen izanen da (Lapurdi), urriaren 19, 20 eta 21ean. Aveyron eskualdea izango dute gomita, eta hango ekoizpenak, sor-markak, laborariak eta herri laborantzaren alde jarduten duten egiturak ezagutzeko aukera izanen dute bisitariek. Gainera, Europako Nekazaritza Politika Bateratuaren erreforma bidean dela eta, horri buruz gogoetatzeko hainbat hitzordu dauzkate finkaturik hiru egunetan. Besteak beste, "Nolako laguntza banaketa nolako laborantza eta elikadura politika motarentzat?" galderaren inguruko eztabaida. Bertan parte hartuko dute Le Foll Frantziako Laborantza ministroak, Jose Bove eurodiputatuak, Aurelie Trouve ekonomista eta aurtengo Lurramaren gazamak eta Mixel Berhokoirigoin EHLGko presidenteak.
Urtero bezala, hitzaldiak, haurrentzako animazioak, bazkariak, kontzertuak, kabalak eta erakusketak proposatuko dituzte.
