Sute handi bat piztu da 12:20 aldera Iurretako (Bizkaia) Arriandi industrialdean, bertako suhiltzaileek jakinarazi dutenez. Euskal Katarofesis enpresaren biltegi batean piztu da sutea, eta erabat kiskalita geratu da. Metalak tratatzeko pintura enpresa bat da Katarofesis. Larrialdi zerbitzuek langile batzuk atera behar izan dituzte inguruko pabiloietatik, baina ez da zauriturik izan. Kalteak handiak izan daitezke, dena den.
Iurretako suhiltzaileak ez ezik, Markinakoak eta Basaurikoak ere joan dira sua itzaltzera. 16:00ak aldera berri eman dutenez, kontrolatuta zuten sutea, baina hura itzaltzeko lanetan jarraitzen zuten.