Telefono eta Interneteko tarifak igoko dituzte

MADRIL. Espainiako Gobernuak RTVEtik iragarkiak kentzeko duen asmoak telefono eta Internet konpainiak haserretu ditu. Hedabide publikoa finantzatzeko, diru sarreren %0,9ko tasa berezi bat jarriko die gobernuak. Konpainiei, baina, ez zaie ongi iruditzen, eta, horregatik, prezioak igotzeko mehatxua egin dute. Zergak 300 milioi euroko gastua eragingo liekeela uste dute.