Timkenen hamasei lagun kaleratu nahi ditu

BILBO. AEBetako Timken multinazionalak Bilbon duen lantegitik hamasei lagun kaleratzeko asmoa duela iragarri du. Horrez gain, aldi baterako enplegua erregulatzeko plana jarri nahi die beste 80 behargini, bederatzi hilabeterako. CCOOk salatu du lantokia deskapitalizatu nahian dabilela enpresa duela urte batzuetatik, eta orain krisiaz baliatuko dela hori egiteko.