Gobernuari legea eta tokiko moneten erabilpena "koherentzian" jartzeko eskatu dio Max Brisson Errepublikanoak alderdiko kide eta senatariak. Euskoaren eta Baionako Herriko Etxearen arteko hitzarmenari prefetak jarri helegitea hartu du adibidetzat. "Gaur egun 3.000 norbanakok zein 650 enpresak erabiltzen duten moneta da, Europan gehien erabiltzen direnen artean bigarrena izanki". Lurraldearen irabaziak monetaren erabilpen eremuan finkatzen dituela nabarmendu du Brissonek, eta badela, beraz, "moda estilo bat baino gehiago, garapenerako palanka garrantzitsu bat".
Baionako Herriko Etxeak desmartxa horretan kokatu nahi zuela oroitarazi du senatariak, prefetak bi parteen arteko hitzarmenari helegitea jarri zion arte.
