Tolosako Sam enpresak lau langile kaleratu ditu

TOLOSA. Tolosako (Gipuzkoa) Sam enpresak lau langile kaleratu ditu. Enpresa batzordeak salatu du langileak kaleratu egin dituztela, enpresak azken urteetan irabazi handiak izan dituen arren, «eta aurten ere irabazi mamitsuak izango dituen arren». Lan baldintzak okertzen ari direla diote. Samek gutun azalak egiten ditu.