Trantsizioko ordezkoa

Luis Maria Linde (Madril, 1945) izango da Espainiako Bankuko gobernadore berria, Miguel Angel Fernandez Ordoñezen ordezkoa. Hala ere, trantsizioko gobernadorea izango da, adinagatik gehienez hiru urte egin ahal izango baititu karguan (Fernandez Ordoñezen adina du). Beraz, ez da PPren etorkizunerako apustu sendoa.

Linde ekonomialaria da, estatuko funtzionarioa. Espainiako Bankua ezagutzen du, erakundearen nazioarteko sailaren zuzendaria izan baitzen. EAJrentzat, haren eskarmentua errespetagarria eta bikaina da.

Trantsizio gobernadorea izango da, baina erronka potoloei aurre egin beharko die: finantza erakundeen birkapitalizazioa, Europako laguntzaren kudeaketa eta jarraipena... Astelehenean NDFren txostena jasoko du.•