Ertzaintzak herenegun atxilotutako Tubos Reunidoseko bi langileak herenegun bertan geratu ziren aske, baina datozen egunetan epaitegira joan beharko dute. Langile batzordeak agerraldia egin zuen atzo, Ertzaintzaren «gehiegikeria» salatzeko. Langile bat zauritu zuten; kolpea du lepoan, eta zortzi puntu eman dizkiote ezpain ondoan. Langileek diote «informazioa ematen soilik» ari zirela piketeak.
Herrizaingo Sailaren arabera, hiru ertzain ere zauritu ziren liskarretan, eta bi gaixoaldian daude. Esan duenez, laneko sarrera oztopatzen ari zen langile bat atxilotzera joan zirenean, besteek eraso egin zieten.
Tubos Reunidoseko atxilotuak aske daude; bi ertzain, gaixoaldian
Iruzkinak
Ez dago iruzkinik
Ordenatu
