Hartzekodunek zorra berriz finantzatzeko kontratu guztiak sinatu dituztela jakinarazi dio Tubos Reunidos Taldeak Balore Merkatuaren Espainiako Batzordeari. Arabako konpainia horrek azaldu duenez, finantza entitateek eta bonuen jabeek "adostutako baldintzen arabera" sinatu dituzte kontratuak.
Joan de ekainean onetsi zuen Amurrioko enpresaren batzarrak zorra hiru zatitan banatzea, hura berriz finantzatzeko: lehen zatia zor amortizagarria da (90 milioi euro), eta gainontzekoa (168 milioi), zor bihurgarria; horrez gain, konpainiak ziurtatu zuen bermatua izango zuela 92 milioi euroko lerro zirkulatzailea.
Apirilean, PwC auditoreak zalantzan jarri zuen Amurrioko Tubos Reunidos enpresaren iraupena, 351 milioi euroko zorra epe barruan ordaintzeko arazoak zituelako —ehunka langile lanaldi murriztuarekin daude urte hasieratik—.
