Txakolinaren sor-markak salaketak jartzeko prest

GASTEIZ. Arabako, Bizkaiko eta Gipuzkoako txakolinaren sor-markek salaketak jarriko dituzte, merkatuan txakolina izenarekin «iruzurrezko produktuak» aurkitzen badituzte. Hala erabaki dute ekoizleek eta Eusko Jaurlaritzak. Funtsean, Gaztela Leongo Gobernuaren (Espainia) eta hango ekoizleen jokaera zainduko dute, Gaztela Leongo Gobernuari hango ekoizleak kontrolatzeko eskatu baitiote.