Txinako ekonomia %6,1 hazi da, 17 urtean gutxien

BEIJING. Txinako barne produktu gordinak (BPG) %6,1eko igoera izan du aurtengo lehen hiruhilekoan; 1992tik, datu hori neurtzen hasi zirenetik, izandako igoerarik txikiena da. Hala ere, hazkundearen jaitsiera aurreko hiruhilekokoa baino txikiagoa izan da: 2,1 puntutik 0,7ra pasatu da. Txinako Estatistika Erakundearen arabera, aldaketa positiboak nabaritu dituzte, eta ekonomiak espero baino portaera hobea izan du.