UGTk eta CCOOk PSE-EErekin izandako hurbilketa salatu du Elorrietak

Untziola publikoen birmoldaketan "PSOEk duen ardura maila" ez desbideratzeko eskatu die UGTri eta CCOOri Jose Elorrieta ELAko idazkariak. UGT eta CCOO sindikatuak "Zapaterorengana eta SEPIrengana hurbiltzen" ari dela salatu du Elorrietak, Radio Euskadin egin dioten elkarrizketan. Bi sindikatu horiek PSE-EErekin bildu ziren atzo, eta ELA bilera hori egitearen kontra agertu zen. Elorrietak jakinarazi duenez, PSE-EEri bere ardura leporatzera joango zirela esan zuten UGTk eta CCOOk, baina, bilera "hurbilketa" bezala amaitu zen.