Urtarrilean langabezia jaitsi egin da AEBetan

WASHINGTON. AEBek %9,4ko langabezia tasarekin bukatu zuten urtea, eta urtarrilean tasak gora egingo zuela aurreratu zuten analista gehienek. Haien harridurarako, ordea, langabeen kopurua murriztu egin da urteko lehen hilabetean, eta orain %9koa da langabezia tasa. 2009ko apirilaz geroztik mailarik txikienean da, ekonomia bere onera etortzen ari den adierazgarri.