Elikatzeko produktuetan salmentek gora egin dute urtebetean, 2012ko uztailetik aurtengo uztailera; %3,7 gehiago saldu dute saltoki handiek Araba, Bizkai eta Gipuzkoan. Eustaten datuen arabera, elikatzeko ez besteko produktu gutxiago erosten dira orain saltoki handietan, ordea, duela urtebete baino: %4,3 gutxiago. Oro har, saltoki handien salmentek %1,5 egin dute atzera iazko uztailetik aurtengora.
Lurraldeka, Araban eta Bizkaian %0,4 eta %3,7 egin dute behera salmentek hurrenez hurren, eta Gipuzkoan, berriz, %1,9 igo dira. Aurreko hilabetearekin alderatuta (ekaina), %2,3 jaitsi dira salmentak hiru herrialdeetan.
