-%0,2 jaitsi dira salneurriak abuztutik irailera Hego Euskal Herian, eta urte arteko tasan negatiboa da argi eta garbi inflazioa: -%0,7. 2015eko inflazio pilatua ere kopuru bera da, -%0,7 prezioan izan duen beheranzko joera garbi utzita.
Salneurriak jaitsi diren atalak honako hauek dira: aisia eta kultura; hotel eta jatetxeak; garraioa; eta etxebizitza. Prezioei eutsi zaie komunikazioan eta medikuntzan; eta gora egin dute jantzietan eta oinetakoetan; edari alkoholdunetan eta tabakoan; irakaskuntzan; elikagaietan eta alkoholik gabeko edarietan.
Araban, Bizkaian eta Gipuzkoan prezioen jaitsiera nabarmena izan da azken hilabetean urte arteko tasari dagokionez: Gipuzkoan -%0,4koa da urteko inflazioa; Araban -%0,5ekoa; eta Bizkaian -%0,6koa; Nafarroan, berriz, hilabete batetik bestera %0,2 jaitsi dira prezioak, eta lurralde honetan urteko inflazioa -%-1,2koa da jadanik.
