Euskal Herrian langabezia tasa %14,1koa izan da urteko lehen hiruhilekoan, Estatistika Institutu Nazionalaren (INE) Biztanleria Aktiboaren Inkestak (EPA) gaur kaleratutako datuen arabera. Datua apalagoa da Araba, Bizkai eta Gipuzkoako datuak EUSTATek berriki kaleratutako datuen arabera, %13koa, hain zuzen. Datuek erakusten dutenez, 2008tik gaur egun arte langabezia tasa handitzen joan da. Gaindegiak bildu ditu datuok.
INEren arabera, lurraldeka langabezia tasarik altuena Nafarroan dago, %16,4rekin, eta jarraian Bizkaia dago, %14,8ko tasarekin.
Araban, aurreko hiruhilekoarekin alderatuz, INEren arabera Araban langabezia %15ean kokatzen da (4 puntuko igoerarekin) eta Eustat-en arabera, aldiz, langabeziak behera egin du denbora tarte berean, %6,8an kokatuz (0,4 puntuko jaitsieraz).
Bi estatistika iturri ofizialak erabiliz, Euskal Herriko langabezia tasak 1,2 puntuko igoera izan du aurreko hiruhilekoarekin alderatuz.
