Uztailetik, 196 dosier onartu ditu Jaurlaritzak

GASTEIZ. Uztailean eta abuztuan enplegua erregulatzeko 196 espediente onartu ditu Eusko Jaurlaritzako Lan Sailak. Horietatik 142 kontratuak eteteko ziren, 38 lanaldia murrizteko eta 16 kontratuak deuseztatzeko. 3.442 langileri eragiten diete. Joan den urtean, epe berean, 289 espediente onartu zituen Jaurlaritzak, eta 6.129 langileri eragin zieten.