Venezuelako parlamentuak herrialdeko aseguru-etxe nagusia nazionalizatzea onartu du

Venezuelako parlamentuak atzo erabaki zuen, La Previsora izeneko aseguru-etxea nazionalizatzeko testua. La Previsora da Venezuelako aseguru-etxe nagusia.

2009an, kontu hartu zioten Venezuelako autoritateek aseguru-etxeari. Izan ere, beste dozena bat bankuri bezala, irregulartasunak eta iruzurrak egitea leporatu zioten Gobernutik. Orain hartu den erabakiarekin, bere akzio eta ondasunak onura publikokoak izango dira, baita bere filial guztiak ere.

Aseguru-etxea nazionalizatzeko testua parlamentuak onartu du, eta, orain Venezuelako Gobernura bidali da, sinadura eman eta erabakia indarrean sartu dadin.