Vital fundazioak ia bederatzi milioi euro izango ditu: iaz baino %17 gehiago

GASTEIZ. Kutxabanken irabaziak handitu ahala handitu dira Vital fundazioarenak ere, bankuaren %11 baitu bere esku Arabako aurrezki kutxa zenak. Guztira, bederatzi milioi euro kudeatuko ditu: aurreko urtean baino %17 gehiago. Are gehiago handituko da «gastu soziala» deritzona; %29, hain zuzen ere. Horren barruan daude, besteak beste, gizarte bazterketaren aurka borrokatzen diren erakundeei ematen dizkien laguntzak, edo Vitalquiler alokairu sozialeko 869 etxebizitzen kudeaketa. Irudi korporatibo berria ere aurkeztu zuen Jon Urresti fundazioko presidenteak.