Krisiaren eraginari aurre egitea lortu dutela diote Vitaleko arduradunek,eta alderdi batzuetan, behintzat,hala izan da. Abenduaren 31n %3ko berankortasuna zuen finantza erakundeak; Espainian, aldiz, sektoreko batez bestekoa %4,91koa zen. Berankortasunaren estaldura, halaber, %76,12koa zuen urte amaieran.
Bezeroei emandako kredituei dagokionez, 6.967 milioi euroko maileguak eman ditu Vitalek 2009an, aurreko urtean baino %3,13 gehiago, hain zuzen ere. Banku korporatiboen eremuan emandako kredituak, berriz, %5 hazi ziren. Etxebizitzak erosi edota eraikitzeko onartutako kredituak %3,16 gehiago izan ziren iazkoan.
Vitalek %12,86ko kaudimen maila zuen ekaineko azken kalkuluetan, eta 530 milioi euroko likidezia garbia izan du.
Bulego berriak
Aurreko urtean 29 bulego berri ireki zituen Vitalek Arabatik kanpo, aurrez ikusi zituztenak baino bat gutxiago, Asturiasen martxan jarri beharrekoa atzeratzea erabaki dutelako. Edonola ere, finantza erakundeak ez du baztertu aurten bulego berriak irekitzea, krisialdiaren harira sortutako aukerak baliatzeko, «sektorearen berregituratzeak bulegoen itxierak ekartzea espero baita».
2009ko emaitzak
Kutxa. Irabaziak. %BBK. 289 milioi . -14,8
Euskadiko K. 56,5 miloi. -43,8
Ipar Kutxa. 13 milioi. -5,1
Kutxa. 103,2 milioi. -29
Vital. 68 milioi . -10
