Yannis Stournaras izendatu dute Greziako Finantza ministro, atzo Vasilios Rapanosek osasun arazoak medio dimisioa aurkeztu ostean.
Stournarasek ondo ezagutzen du Greziako ekonomia. Atenasko Unibertsitateko irakaslea da, Oxforden ikasia. 2008tik Ekonomia eta Industria Ikerketetarako Fundazioko (IOBE) zuzendari nagusi da eta Gobernuaren aholkularia izan zen aurretik.
Iaz trantsizioko gobernuan jardun zuen maiatza eta ekaina bitartean, Sustapenerako ministro bezala.
