"Nahiz eta beste merkatuetan gora-beherak dauden -Ameriketako Estatu Batuetakoan, kasu-, euskal ekonomia hazi egingo da". Hala esan du gaur Idoia Zenarruzabeitia Eusko Jaurlaritzaren lehendariordeak Bilbon, Finantzen Foroaren inaugurazioan, Arabako, Bizkaiko eta Gipuzkoako ekonomiaz; Elkargi elkarteak antolatutako ekimena da foroa. Jaurlaritzak lurraldeotan hazkundea gertatuko den datuak dituela jakinarazi du Zenarruzabeitiak.
Hala, "euskal ekonomiaren sendotasunean eta orekan konfiantza" izateko eskatu du, eta munduko egoera ekonomikoaren aurrean "jarrera lasaia eta alarmarik gabekoa" edukitzeko ere bai. Haren ustez, baina, politikari batzuk "hautes interesak" kontuan hartuta ari dira adierazpenak egiten.
Aurten Europako ekonomia nagusiak "aise" gainditu dituztela dio Zenarruzabeitiak, Eustaten arabera 2007ko lehen sei hilabeteetan EAEkoa %4,1 hazi zelako. Hazkundeak horrela segituko duela aurreikusi du Jaurlaritzak.
Ekonomia
Zenarruzabeitiak dio EAEko ekonomia "hazi" egingo dela
Beste merkatuetako "gora-beherek" Araban, Bizkaian eta Gipuzkoan eraginik ez dutela izango uste du Eusko Jaurlaritzaren lehendariordeak.
Iruzkinak
Ez dago iruzkinik
Ordenatu
