ZERGEN GIDA LIBURUA, EUSKARAZ

Zerga bildumari buruzko euskarazko liburu bat faltan sumatzen zuen Gipuzkoako Ogasun Saileko Langile Euskaldunon Taldeak. Bat egitea proposatu zioten aldundiari, idazteko prest ere bazeudela esanda. Orain urtebete izan zen hori, eta jada kalean da Gipuzkoako Zerga Gida. Atzo aurkeztu zuten Mikel Azkarate proiektuan parte hartu duen langileetako batek, Zigor Etxeburua Euskara Saileko zuzendariak eta Xabier Olano Ogasuneko zuzendariak. Fiskalitate arloan aritzen den ororentzat da, eta Gipuzkoak aplikatzen diren zerga nagusiak biltzen ditu.