Zigor handiagoa dirua Suitzan izateagatik

BERLIN. Milaka alemaniarrek dute dirua ezkutatuta Suitzako kontuetan. Kapital hori arautzeko baldintzak gogortzea adostu dute bi herrialdeek. Orain arte %34ko gehienezko zerga jartzen zitzaien; aurrerantzean, %41ekoa. Suitzako kontuak oinordetu eta aitortu nahi ez dituztenentzako zerga %50ekoa izango da. Gobernuaren arabera, alemaniarrek 125.000 milioi dituzte Suitzan.