ZORRAREN KRISIA. FRANTZIA ETA GREZIA. «KLEFTES, KLEFTES» OIHUAK ATENASEN

«Kleftes, Kleftes» oihukatu zuten milaka manifestarik Greziako Parlamentuaren aurrean, «lapurrak, lapurrak», alegia. Bosgarren greba orokorra egin zuten atzo herrialdean, gobernuak zorra murrizteko proposatutako neurrien aurka. Gsee sindikatuaren datuen arabera, %80ko jarraipena izan zuen protestak. Poliziaren esanetan, 15.000 manifestari izan ziren.