Biolan, Graphenea, Sapa Operaciones, Bioftalmik (koordinatzaile frantziar baten kolaboratzaile gisa), Artinvet, Lointek, Farsens eta Lancor dira ETE programako laguntzak lortu dituzten euskal enpresak. Enpresa horiek bioteknologia, nanoteknologia, autogintza, telekomunikazio eta energia sektoreetan lan egiten dute. Berrikuntza proiektu baten bidez haztea, garatzea eta nazioartekotzean laguntzea da Europatik datorren funts horren helburua.
ETE programak 2.800 milioi euroko diru hornidura dauka datozen zazpi urteetarako. Faseka funtzionatzen du; lehenean ideia berri baten bideragarritasun zientifikoa edo teknikoa eta gaitasun komertziala aztertzen da, proiektu berritzaile bat garatzeko. Proiektuak ebaluazio horretan emaitza ona lortzen badu, hurrengo faseetan finantzaketa jasotzeko aukera dauka. Bigarren fase horretan lau euskal enpresa sartu dira.
ETE programak proiektu izarrak finantzatzen ditu, baldin eta negozio aukera bat eskaintzen badute epe ertainera hazteko. Onartutako proiektu bakoitzak gehienez 2,55 milioi euroko finantzaketa publikoa jaso dezake.
