Guardia Zibila

EH Bilduk jakinarazi duenez, atzo Guardia Zibilaren kuartelera deitu zituzten erabakiaren berri emateko. Astelehenean bilduko dira alkateak, egoera aztertzeko.

ERC eta EH Bildu debekuaren alde egiten ari dira, baina Espainiako Gobernuak «mugatu» egin nahi ditu, horien erabilera ezabatu beharrean.

«Exekuzio arbitrarioaren biktima» ofizialtzat aitortu ditu Jaurlaritzak, ikerketa luze baten ondoren. Nahiz eta azken 50 urteetako bertsio ofizialak zioen tiroketa batean hil zirela, frogek gezurtatu egin dute bertsio hori.

Espainiako polizia indarrek herria utz dezatela eskatuko dute irailaren 3an Altsasun (Nafarroa). Guardia zibilen elkarteak, ordea, uste du «gorroto delitua» dagoela horren atzean.

Araban eta Nafarroan sei pertsona atxilotu dituzte, eta Espainiako beste leku batzuetan, beste 11. Erakunde kriminal baten parte izatea eta droga trafikoan aritzea egotzi diete, besteak beste.

Gaur 35 urte dira Guardia Zibilaren operazio batean Luzia Urigoitia hil zutela. Bi tiro eman zizkioten; bigarrena, buruan, oso gertutik. Auzia artxibatuta dago 2000z geroztik, gertatutakoa argitu gabe. Prozesu judiziala zehatz azaldu zuen atzo Iñigo Iruin abokatuak, Otxandion, Urigoitiaren sorterrian.

ETAko lehen hildakoari buruzko ikerketaren ondorioak aurkeztu dituzte EHUk eta Aranzadik Donostian. Bildu dituzten iturrien arabera, «ezerk ez du esplikatzen» Etxebarrietak bizkarrean jaso zuen tiroa. Ikerketa ofizial bat egiteko eta gizateriaren aurkako krimentzat hartzeko eskatu dute.

Sarai Goitia militante gazteak Poliziaren jazarpen poltikoa salatu du epaitegietan; adierazi du dei anonimoak jaso dituela, etxean sartu zaizkiola, eta autoan pintaketak egin dizkiotela.

Azken aste eta hilabeteotan jazarpena jasan duela ohartarazi du Amurrioko gazteak. Sorturen arabera, «profil ezberdinetako» bertze lau lagunek gutienez ere jasan dute jazarpena: publikoki salatzeko deia egin diete.

1982tik 1986ra bitartean Espainiako Gobernuaren ordezkari izan zen Nafarroan. Guardia Zibilaren zuzendari zela, hainbat ustelkeria kasurekin lotu zuten. Baita Segundo Mareyren bahiketarekin ere. Espetxean egon zen 1995 eta 2005 urteen bitartean. Gaur gauean hil da, 78 urterekin.

Eusko Jaurlaritzak eta Nafarroako Gobernuak omendu dute Mikel Zabalza, Orbaizetan. Asteon, Jaurlaritzak biktima gisa aitortu du Zabalza.

Joan Mari Torrealdairen hil osteko liburuaren inguruko solasaldi bira batekin gogoratuko dute 'Euskaldunon Egunkaria' itxi zuteneko 19. urteurrena.

Fiskalak 36 urtera jaitsi du zigor eskaera; defentsak absoluzioa eskatu du