Ostegunean izan zen gertakaria; kontrol konektore bateko konexioa kaltetua zegoela-eta, suteen kontrako detektagailua aktibatu egin zen barra elektriko baten elikadura etengailuaren konpartimentuan.
Suteen kontrako taldeak baieztatu zuen ez zela suterik, eta zentraleko kudeatzaileek etengailuaren elikatze elektrikoa eten zuten. Geldirik dago zentrala, eta erregai guztia ur biltegietan dute.
CSNk bere webgunean eman du gertakariaren berri, prozedurak hala zehazten duela-eta. Ez da inor zauritu eta ez da ihes erradioaktiborik izan.
