0,17

TUNELETAKO AHOAK BETETZEA

Tunelen ahoetan egindako tunel faltsuak estaltzeko, lurra erabiltzen dute. Ikerketaren arabera, ordea, benetan dagoena baino lur gehiago ordaindu zieten eraikuntza enpresei. Ingeniariek diote 101.000 metro kubo pasatxo daudela tuneletako sarrera-irteeretan —sei ahotan—, tunel faltsuen betegarri. 101.000 ez, 160.000 metro kubo pagatu zituzten.

Non dago diferentzia? Aldundiak salatu du kasu horretan ere alde nabarmena dagoela enpresek eskatutakoaren, ordaindu zietenaren eta benetan dagoenaren artean. Enpresek adierazi zuten 126.730 metro kubo lur erabili zituztela; likidazioan, aldiz, 159.860 ordaindu zizkieten. 101.049 metro kubo topatu dituzte. 168.367 euro gehiago ordaindu ziren.