Gipuzkoako Foru Aldundiko bozeramaile Imanol Lasak adierazi du migratzaileak «pixkanaka» iritsiko direla, eta haiei harrera egiteko protokolo guztiak «aktibatuta» daudela. 87 migratzailetatik 22 Nafarroara iritsiko dira, nahiz eta berez hamar hartzea egokitzen zaion.
Errefuxiatuen Nazioarteko Eguna da bihar, eta hainbat erakundek adierazpenak egin dituzte gaiaren inguruan.
Arabako Foru Aldundiak, esaterako, adierazi du migratzaileek asilo eskaerak egitea bultzatuko duela, eta nabarmendu dute emakumezko migratzaileei arreta berezia eman behar zaiela, «emakume izateagatik soilik» eskubide urraketak jasan ditzaketelako.
Arartekoak, berriz, errefuxiatuei buruzko akordio bat galdegin du.
