Maiatzaren 16an eman zuten bakegileek Parisko mobilizazioaren berri. Ordura arte ekinaldiak ugarituko dituztela iragarri zuten antolatzaileek: "Frantziako gobernu berriari mahai gainean jarri behar zaio bake prozesuan engaiatzeko premia".
Hasieran iragarri zutenez, abenduaren 16an ziren egitekoak Pariskoa. Egun horretan da betetzekoa ETAren armagabetze zibilaren kontra Frantziako Poliziak Luhuson egin zuen operazioaren urteurrena. "Abenduaren 16ko asteburuan Euskal Herrian hitzordu inportanteak antolatuak direla ikusirik", azaroaren 25era aurreratu zuten mobilizazioa. Azkenik, abenduaren 9an izango da.
